Iha 08 Marsu 2022, Tribunál Distritál Baukau (TDB) kondena arguidu CFB ho pena prizaun efetiva tinan rua tanba provadu komete krime ameasa no maus-tratus hasoru nia feen segundu maski sira hela separadu ona. Alende ne’e, konsidera mós katak antes arguidu komete krime ofensa ba integridade fízika simples ho natureza violénsia doméstika hasoru nia feen primeiru no iha 17 Dezembru 2018, tribunál kondena arguidu ho pena prizaun fulan tolu suspende ba tinan ida. Tetu sirkunstánsia sira ne’e hotu, maski arguidu la komete krime dentru suspensaun laran, tribunál konsidera pena ne’ebé ekuilibru ho arguidu ninia hahalok mak pena prizaun efetiva tanba konsidera arguidu la hatudu ninia arrependimentu.
Mar
15