Iha 06 Dezembru 2023, JSMP fasilita treinamentu ba membru estrutura suku no komunidade sira iha Suku Sanirin, Postu Administrativu Balibo, Munisípiu Bobonaro.
Matéria sira ne’ebé kobre iha treinamentu ne’e fahe ba sesaun rua. Sesaun dahuluk kona-ba demokrásia, knaar órgaun soberanu sira-nian no partisipasaun públika iha prosesu halo lei. Sesaun daruak nian kona-ba asesu ba justisa formál no knaar hosi instituisaun judisiáriu no judisiál sira iha setór justisa nian.