Komunikadu Imprensa / Press Release
Feb 27

JSMP realiza treinamentu ba estrutura suku no estudante husi Universidade da Paz  kona-ba prevensaun tráfiku umanu: Partisipante sira agradese tanba konsidera informasaun sira ne’e foun no tulun tebes sira hodi bele hases-an husi krime sira ho tipu tráfiku umanu

Iha loron 13 Fevereiru 2023, Programa Monitorizasaun ba Sistema Judisiáriu (JSMP) realiza ona treinamentu kona-ba prevensaun tráfiku umanu ba estudante Universidade da Paz Fakuldade Siensia Sosiais no Armonia ne’ebé ho totál partisipante nain 20. Antes ne’e iha 06 Fevereiru 2023,  JSMP mós realiza ona treinamentu ho tópiku hanesan ba estrutura suku no komunidade husi Suku Bobometo, Postu Administrativu Oesilo, Rejiaun Autonomia Espesiál Ambeno Oekusi (RAEOA) ho totál partisipante nain 22 no iha  06 Fevereiru 2023, realiza ona treinamentu ba estrutura no komunidade iha Suku Tapo-Memo, Postu Administrativu Maliana Vila, Munisípiu Bobonaro ho totál partisipante hamutuk nain 21.   Iha treinamentu ne’e, JSMP ko’alia liu kona-ba definisaun tráfiku umanu, objetivu ho meus husi tráfiku umanu inklui oinsá bele lori kazu tráfiku umanu ba iha justisa formál. (Tetum (English)