JSMP lamenta ho membru Governu no polítiku sira halo intervensaun direta ba iha serbisu investigasaun judisiál nian. Preokupasaun ida ne’e relasiona ho membru Governu na’in rua husi partidu KHUNTO (Partidu Kmanek Haburas Unidade Nasionál Timor-Oan) mak hanesan Viseministru Ministériu Interiór no Viseministru Ministériu Justisa no líder másimu husi partidu KHUNTO ne’ebé diretamente tun ba halo intervensaun ba serbisu investigasaun judisiál nian. Intervensaun ne’e mosu, tanba serbisu investigasaun konsege kaptura sidadaun na’in tolu inklui prende osan cash US$130.000 no osan rupiah iha Aeroportu Internasionál Nicolau Lobato ne’ebé deskonfia osan ne’e Partidu KHUNTO nian atu lori sai ba rai-li’ur, tuir públikasaun iha mídia sosiál, iha Tersa-Feira 04 Outubru 2022. Tetum
Oct
11